Bihar, urtarrilak 21, eskolako saski-baloiko kantxa pintatuko da patioan.
Goizeko 9,30etan hasiko dira eta 24 ordutan ezin izango da zapaldu, beraz, arretagaz ibiltzea eskatzen dizuegu.
Eskerrik asko!
Kategoria: ALBISTEAK
Etxerako lanen gaiari buruz familiek dugun iritzia ezagutu nahi du BIGEk. Ikasleek zenbat denbora behar duten etxerako lanak egiteko, zer etxerako lan mota izaten dituzten… ezagutzeko eta gai hauei buruzko informazioa jakitzeko.
Informazio hori biltzeko inkesta bat prestatu dute, beheko estekan duzue. Inkestako galderak erantzuteko minutu batzuk eskaintzea eskertuko genizueke, oso lagungarria izango da.
Etxerako lanei buruzko inkesta
Ikastetxe publikoetan ikasten duten ikasleen gurasoei zuzenduta dago inkesta hau. Seme-alaba bakoitzeko inkesta bana bete behar da.
Informazio gehiago: Etxerako lanak
2016ko klaseen hasierak zenbait nobedade izango ditu gure eskolan, berriztu egin bait da bai barnean eta kanpoan. Gurasoek sarrera nagusian egindako berriztatze lanak ezezik, saski-baloiko zelaia ere asfaltatu egin da eta txintxaunen gunearen lurra ere berriztu egin da
Urte berria, eskola berria!!
Urtarrilaren 11n ikusiko dugunaren aurrerapen bat daukazue bertan:
Olentzero heldu da eskolara!!!
Eskolako sarrera nagusia (Xaber dagoen lekua) pintatu eta apaintzeko hainbat gauza ekarri ditu baina, zoritxarrez, gabonetan hori egiteko eskuak falta ditugu. Proiektu honetan parte hartu nahi duena, datorrela eskolara
Abenduaren 26an hasiko gara 10.30etatik aurrera, eta hurrengo datak blogean eskegiko dira.
Haurrek jolasteko lekuak egokituko dira
Zabalarra denok osatzen dugulako, ANIMATU ETA ZATOZ!!!
Edozein zalantza edukiz gero, idatzi IGEko posta elektronikora zabalarra@gmail.com helbidera
Guraso Elkarteak abenduaren 19ean, larunbata, Olentzeroaren etxera (Izenaduba, Mungia) antolatu du. Bisita gidatuak 11:15 eta 11.30etan izango dira. Bisitak bi orduko iraupena izango du, gutxi gora behera. Joan nahi baduzu apuntatu zaitez.
55 jezarleku daude, ordaindu ahala beteko dira.
Abenduaren 9 an ordainduko da, IGE-ren gelan, 16:45etatik 17:15etara.
10€ pertsonako (sarrera+busa).
Bi urte baino gutxiagoko umeek ez dute ordaintzen sarrerarik, autobusa bakarrik (3€)
Urtero Durangoko Azokaren barnean Berbaro Elkarteak liburu erraldoiaren proiektua jartzen du martxan.
Aurten ere gure eskolak parte hartu du bertan, ipuin zaharrak berriztuz. Dirudienez gure ikasleen lana bikaina izan da eta honen ondorioz epamahaiak partehartzaile guztiak zoriondu egin dute imanginazioz beteriko ipuinak sortzearren.
Horregatik, egin duten lanagatik eta liburu erraldoiari eman dioten bizitasunagatik, liburu sorta bat jasoko du gure eskolak opari moduan. Liburu sortu hauikastetxerako izango da dugu, 8-12 urte bitarteko gaztetxoei zuzendutako liburuz osatutakoa izango da.
Horrez gain, epaimahaiak hiru lan aipatu ditu bereziki, eta horiek, sari gehigarri bat jasoko dute baita ere. Hauek dira lan horien egileak:
– Durangoko Kurutziaga ikastolako LH 6.A
– Zaldibarko herri eskolako LH 4.A
– Durangoko Zabalarra ikastetxeko LH 6.B
Liburu sortak, Durangoko Azokako Saguganbara gunean banatuko dira ostiralean, abenduaren 4an, arratsaldeko 15:00tan.
ZORIONAK ipuingileak!!!
Bizkaiko Euskal Joko eta Kirol Federakundeak, Durangon 2015-2016 ikasturtean ospatuko den Herri Kiroletako txapelketako topaketetako batera gonbidatzen gaituzte.
Topaketa honetan taldeka parte hartuko da, eta “umetxo” (LH3-LH4) eta “ume” kategoriei (LH5-LH6) bideratuta dago.
Hona hemen topaketa hau ospatuko den behin-behineko tokia eta data:
- 2016ko urtarrilaren 31n, Landako Gunean.
Igande goizez izango da, eskola kiroleko beste ekintza batzuetarako oztopo izan ez dadin
- Parte hartu nahi izanez gero, bete egizuz datu hauek eta emaiozu orria zure irakasleari.
Izen-abizenak ……………………………………………………………………
Maila ………………………. Jaiotze-data ……………
Telefonoa ………………….
Egoitzako udalerria …………………………………………..