Urriaren 9tik Azaroaren 9ra bekak egiteko epea ireki da.

Bekak on-line egin ditzakezue edota eskolako idazkaritzaren bitartez egin.

Ikasturte honetan hartu beharreko osasun babes neurriak kontuan harturik  antolaketa berri bat  egin dugu. Arretaz irakurri eta dagokizuen egunean bertaratu mesedez.                                                                                                                  
LEHENDIK BEKADUNAK IZAN DIREN IKASLEAK ETA IAZTIK ALDAKETARIK EZ BADAGO

Aldaketarik ez badago ez da agiri berririk aurkeztu behar. ETXERA BIDALITAKO INPRESOA ARRETAZ  IRAKURRI!!!

Bi modu daude balidatzeko:

1.- Bekan bertan agertzen zaizuen helbide elektronikoan klik egin egiaztatze kodean.

2.-  Eskolara ekarri egun honetan.

Urriak 14 asteazkena

9:30-10:30              15:15-16:15

Julene Azpeitia haurreskola aurrean /Frente a la escuela infantil Julene Azpeitia

 

LEHENDIK BEKADUNAK IZAN DIREN IKASLEAK ETA IAZTIK ALDAKETAREN BAT BADAGOEtxebizitza helbidean  aldaketa, kontu korronte aldaketa aldaketaren bat badago  bi modutara egin daiteke:

1.-On Line egin

2.- Inpresoan idatzi eta guk aldatuko dugu.

Ondorengo kasuren bat ematen bada dokumentazioaren fotokopia  aurkeztu behar da:

  • Banatutako bikoteen arteko hitzarmenak eta tutela/adopzioen kasuetan  iaztik aldaketarik balego.
  • Desgaitasun agiriak .
  • EHtik kanpo egiten badira Errenta aitorpenak
  • Laguntza sozialak jasotzen badira: dagokion erakundeak emandako ziurtagiria.
  • Neba-arrebak gehitu badira, familia liburua ekarri behar da.
  • Familia ugariaren txartela ala badagokio
  • Ogasunean deklaratu gabeko diru-sarrerak dokumentuak  aurkeztu behar dira.
  • Diru-laguntza jasotzen duen pertsonak bere identifikazio dokumentuak aldaketarik izan  badu, dokumentu horiek aurkeztu behar ditu.

Urriak 15 osteguna, Urriak 16 ostirala

Ordutegia:/Horario  9:30-10:30                15:15-16:15

Julene Azpeitia haurreskola aurrean

 

BEKA BERRIAK ESKATZEKO DOKUMENTAZIOA ENTREGATZEA

  • LAGUNTZA SOZIALEN JASOTZAILEAK: Dagokion erakundeak emandako ziurtagiria
  • SALBUETSITAKO DIRU-SARRERAK: Ezintasun iraunkor absolutuaren edo baliaezintasun handiko pentsioaren ziurtagiria, zurztasun-pentsioarena, kaleratzearengatiko kalte-ordainena eta abar.
  • HIRI-ONDASUNEN KATASTROKO BALIOAK: Etxebizitza bat baino gehiago izanez gero, Ondasun Higiezinen gaineko Zergaren kopia aurkeztu beharko da, bizikidetza-unitateko kideen jabetzako guztiena, hain zuzen.
  • DIBORTZIO, BANAKETA, IZATEZKO BIKOTEKIDEEN BANAKETA EDO ANTZEKO EGOEREN KASUAN: Hitzarmen arautzaileak / Elkarbizitza-ziurtagiria / Pentsioen egiaztagiri eguneratuak eta, hala badagokio, aitaren edo amaren ezkontidearen edo bikotekidearen diru-sarrerak.
  • AITONA-AMONAK: Elkarbizitza-ziurtagiria, udalak emandakoa.
  • DESGAITASUNEN BAT DUTEN PERTSONAK Desgaitasun-gradua aitortzen dion egiaztagiria.
  • FAMILIA-HARRERAN DIREN ADINGABEAK: Harrerari buruzko foru-agindua eta aldundiak erabakitako harrerako baldintzen fotokopia.
  • ANAI-ARREBA UNIBERTSITARIOA: Matrikulatuta dagoela egiaztatu eta errentamendu-kontratua aurkeztu, hala dagokionean.
  • BESTELAKO DOKUMENTUAk DIRU-SARRERAK ADIERAZTEKO : Bizikidetza- edo familia-unitatearen diru-sarrerak eta ekonomia-egoera adierazteko garrantzitsutzat jotzen dituen edozein agiri; hala nola, kaleratze-kitapenak, enplegu-erregulazioko espedienteak, behar bezala erregistratutako dohaintzak eta abar.
  • ERRENTA-AITORPENA BESTE AUTONOMIA ERKIDEGOREN BATEAN AURKEZTURIKO AITORPENA
  • ERRENTA-AITORPENA EGIN EZEAN: Kide konputagarri guztiek eskuratutako diru-sarreren egiaztagiri guztiak aurkeztu beharko dira (gizarte-laguntzak jasotzeko dagokion erakundeak emandako ziurtagiria, salbuetsitako diru-sarrerak, zenbatekoa dela-eta aitortu gabeko diru-sarrerak, balio higigarrien errendimenduak; banku-gordailuak, kontu-korronteen interesak…). Era berean, profesionalek eta enpresaburuek aurkeztutako zatitutako ordainketengatiko aitorpenen fotokopiak ere aurkeztu beharko dira, baita artikulu honetako lehen zenbakian jasotako informazioa ere.
  • Genero-indarkeria jasan duten bizikidetza-unitate batekoak badira ikasleak betekizun akademikoak bete barik ere eman egingo dira laguntzak. Egoera hori urruntzeko agindu judizialaren, kondena-epai judizialaren edo oinarrizko gizarte-zerbitzuen txostenaren bidez justifikatuko da.

Urriak 20 asteartea, Urriak 21 asteazkena, Urriak 22 osteguna

Bi modutara egin daiteke:

1.-On Line egin

2.- Eskolan: hitzordua eskatu idazkaritza@zabalarra.com helbidean.

Partekatu

Finantzen batzordetik egoera berri honi egokituz, galdetegi bat sortu dugu.

Galdetegi honetan, uztailean azaldu genuen bezala, bertan behera geratu ziren 2019/20 ikasturteko apirila eta maiatzeko kirol- ekintzen eta eskolaz- kanpoko ekintzen kuotan jaso beharreko diru-kantitatea ipini beharko duzue, egiaztatu ostean bueltatzeko.

Hau dena datorren urriaren 5a baino lehen egitea eskertuko genizueke.

Konfirmazio eta dirua bueltatzeko bideari buruz emandako posta elektronikoarten bidez informatuko zaituztegu.

Zuen kolaborazioa eskertuz jaso agur bero bat.

KUOTAREN ITZULERA ESKATZEKO FORMULARIOA

 

Partekatu

Aurtengo ikasturte bukaera  ez ohikoa izanik  gogoratu nahi dizuegu ikasturte bukaera ekainaren 19an izango dela eta ikasleekin ordurarte lanean jarraitzen dugula .

Hiruhileko berezi honetarako mailako minimoak ezarri ditugu . Minimo hauek eskuragarri izan nahi dituenak, idazkaritzako emailera eskaera bidali eta emailez bidaliko zaizkio.

Ikasturteko informeak ekainaren 19an jasoko dituzue emailez

HHko familiak eta LH 6.mailako ikasleak eskolara etorriko dira egun zehatz baten beraien materiala biltzeko. Tutorea jarriko da kontaktuan zein ordu dagokion ikasle bakoitzari eskolan pilaketarik ez emateko.

Beste ikasle guztiak irailean egingo diote  gelari agurra eta bakoitzak bere gauzak jasoko ditu.

Ikasturte honetan bereziki eskerrak eman nahi ditugu familia guztiek eduki duten  jarrerari, partehartzeari eta gure jardueran eman duzuen laguntzagatik.

Eskerrik asko!!!

ZABALARRAKO ZUZENDARITZA TALDEA

Partekatu

IGEko Batzordetik, lehenik eta behin, egoera berri honetan denok ondo egotea opa dizuegu.

Bestalde, Apirilak 24an batzar birtual bat izan genuen eskolaz kanpoko ekintzei, kirolei eta azken hiruhileko kuotari buruz hitz egiteko. Idazki honen bidez, bertan hartutako neurri eta erabakien berri eman nahi dizuegu:

  • Eskolaz kanpoko klaseak eta kirolak etenda daude martxoaren 12tik, Robotika izan ezik, on-line ematen ari baitira.
  • Eskolaz kanpoko klaseen eta kirolen apirileko eta maiatzeko kuotak osorik itzuliko zaizkie familiei. Ordainketei buruzko informazio guztia bilduko dugu ordainketak itzultzeko.
  • Martxoaren bigarren hamabostaldiari dagokion zenbatekoa ez da itzuliko. hileko kostu finkoak estaltzeko beharra daukagulako (adibidez, begiraleen nomina ordaintzen duen aholkularitza).
  • Sasoi honetan familia guztiei pasatzen zaien IGEari dagokion kuota ez da pasatuko, eta hurrengo ikasturtean kopuru hori egokitu egingo da, une horretako egoeraren arabera.
  • Gaur egun ez dago hurrengo ikasturterako eskolaz kanpoko ekintzen eta kirolen plangintzarik. Hori guztia sortutako egoera berriaren eta Hezkuntza Sailak hartzen dituen neurrien araberakoa izango da. Berriak izan bezain laster, informazioa luzatuko dizuegu.

Amaitzeko, edozein zalantza izanez gero, jar zaitezte gurekin harremanetan: extraescolareszabalarra@gmail.com (eskolaz kanpoko gaietarako) eta zabalarrakirola@gmail.com (kirolekin zerikusia duten gaietarako).

Onena opa dizuegu eta laster elkar ikustea espero dugu

Partekatu

Gaur “ETXETIK ETXERA”, bertso saioa online zuzenean entzuteko aukera izango dugu. Bertso saio hau, ikasleentzat, bereziki prestatu da.

Bertso saioan, bidalitako gaiei buruz abestuko dute bertsolariak. Animatu eta parte hartu!!!

Eguna: maiatzak 8

Ordua: 18:30ean hasita

Saioa zuzenean ikusteko lotura

Gaiak bidaltzeko, sartu hemen: labur.eus/zuregaiak

Informazio gehiago

Ez galdu aukera eder hau eta gonbidatu zeuen ingurukoak ere!!!

Partekatu