NESKEN FUTBOL TOPAKETAK

2019-11-28 ZabalarraIGE No Comments ESKOLA KIROLA, HEZKIDETZA/ELKARBIZITZA, IGE

Bizkaiko Futbol Federakundeak Durangoko ikastetxe, Ezkurdi Kirol Taldea eta inguruko besteekin batera, nesken futbol topaketak antolatu nahi ditugu, abenduaren hasieratik ekainerarte.

Lehen aipatzen genuen bezala, jakin badakigu neska askok ez daukatela futbola ezagutzeko aukera arrazoi desberdinengatik, ez dutela futbolarekin harremanik, haien artean, ez daukatelako futbolean aritzeko aukerarik, futbol zelaien erabilgarritasunagatik, eta abar…

Hori dela eta, 8 eta 14 urte bitarteko neskek, futbola ezagutu eta trebetasuna lantzeko aukera izango duten topaketak eskaini nahi ditugu.
Prestakuntza langile adituek zuzenduta izango da eta fundamentu teknikoak eta jokoaren trebetasuna landuko dituzte parte hartzaile bakoitzaren mailaren arabera.

Saioak, ostegun edo ostiraletan,17:00etatik 18:00etara izango dira, inskripzio mailaren arabera eta zelaiaren erabilgarritasunaren arabera eta , San Jose Jesuitak Ikastetxean burutuko dira.

Zuen ikastetxeetan inskribatzera animatzen zaituztegu futbola ezagutu eta trebetasuna hobetzeko.

Jardunaldi hauek guztiz dohain direla jakinarazten dugu.

Inskribatzeko behar diren datuak honako hauek dira:

Izena:
Abizenak:
Jaiotze Data:
Kontaktu Telefonoa:
Ikastetxea:

ANIMATU, ZUEN ZAIN GAUDE!

Partekatu

Emakumeen Kontrako Indarkeriaren Aurkako eguna Zabalarran

2019-11-23 ZabalarraIGE No Comments AGENDA, ALBISTEAK, AZAROA, HEZKIDETZA/ELKARBIZITZA, MULTIMEDIA

Datorren azaroaren 25ean, astelehena, Emakumeen Kontrako Indarkeriaren Aurkako eguna da

AZAROAK 25 ETA GAINERAKO 364 EGUNAK

ERASOEN AURREAN ZABALARRAN DENOK BAT

Guk, Zabalarra eskola osatzen dugun neska-mutil,gizon eta emakumeek gure eskola gune segurua izatea nahi dugulako lagun ona izatea zer den adierazi nahi dugu:

  • Beti ondo tratatzen gaituztenak lagunak dira.

  • Beste pertsona batzuek erasotu, baztertu, iraindu, umiliatu…egiten gaituztenean lagunek laguntzen gaituzte.

  • Lagun onak ez zaitu derrigortuko nahi ez duzuna egitera.

  • Jolastu nahi ez baduzu zure lagunak errespetatuko zaitu.

  • Musurik eman nahi ez baduzu zure lagunak onartuko du.

  • Bakarrik, triste … zaudenean lagun ona zugana hurbilduko da.

EZ EZETZ DA!

ZABALARRAK GENERO INDARKERIARI EZETZ ESATEN DIO!!!

Astelehenean, azaroaren 25ean, soinean zerbait morea ekartzea proposatzen dizuegu (zapia, nikia,…)

15:45ean egingo dugun GIZA-KATEAN parte hartzera gonbidatzen zaituztegu .

Jarduera amaitzen denean ikasle guztiak geletara igoko dira eta ohiko lekuetatik irtengo dira 16:30ean.

Astelehenean, azaroaren 25ean, soinean zerbait morea ekartzea proposatzen dizuegu (zapia, nikia,…)

OHARRA: eguraldi txarra egingo balu e-mailez abisatuko dizuegu egunean zehar GIZA-KATEA ez dugula egingo.

 

EKITALDIAN ABESTUKO DEN BERTSOA:

AZAROAK 25

Eguna jantzi dugu

gaur kolore morez

guk ez dugu irten nahi

kalera beldurrez.

 

Ozen esan dezagun

Ezetz beti da ezetz

Emakumearen aurka

Indarkeririk ez!!! (bis)

 

Denok gara berdinak

sinestu mesedez

jasarpenen aurrean

erantzun indarrez.

 

Hauxe egin behar dogu

Hemen gure ustez

ZABALARRA eskolan

Inori irainik ez!!! (bis)

Egileak: 6.mailako ikasleak

 

Partekatu

GABONAK ZABALARRAN 2019-2020

2019-11-19 ZabalarraIGE No Comments ALBISTEAK

NORENTZAT? Haur Hezkuntza (3, 4, 5 urte) eta Lehen Hezkuntzako ikasleentzat (LH1-LH6).
NOIZ?  1. TXANDA – Abenduaren 23, 24, 26 eta 27 (9’30 – 13’30)

2. TXANDA – Abenduaren 30, 31, eta Urtarrilaren 2 eta 3 (9’30 – 13’30)

ASTELEHENA: IGERILEKURA- PISCINA (LANDAKO)

ASTEARTEA: OLENTZERO, JOLASAK, ESKULANAK

OSTEGUNA: IZOTZ PISTA

OSTIRALA: GABONETAKO PARKEA

IZEN EMATEA: 50 € Txanda bakoitzeko. Bi Txandak batera 85 €

OHAR GARRANTZITSUAK 

– IZENA EMATEKO AZKEN EGUNA: ABENDUAK 5 de DICIEMBRE.

– EDOZEIN ZALANTZA, GALDERA… 687 04 71 03 (JAI EGUNETAN IZAN EZIK 9’30-12’30 EXCEPTO DÍAS FESTIVOS).

uke.udalekuak@gmail.com
https://udankirola.wordpress.com

Partekatu

FAMILIEN ASANBLADA

2019-11-18 ZabalarraIGE No Comments IGE

GURASOEN ASANBLADA AZAROAK 20, ASTEAZKENA
Arratsaldeko 18:00etatik 19:00etara
Eskolako liburutegian
Umezaintza zerbitzua egongo da

GAI ORDENA

– Aurreko aktaren onarpena
– Pasa den ikasturteak utzitako ekonomia egoera
– Ikasturteko Urteko Plana
– Batzordeen aldaketa
– Iradokizunak, kontsultak, proposamenak…(zabalarra@gmail.com posta elektronikora bidaliz gero asanbladan irakurriko dira )

BATZAR NAGUSIRA ETORRI ETA PARTE HARTZERA ANIMATZEN ZAITUZTEGU.
OSO GARRANTZITSUA DA. FORU HAU ZEURE IRITZIA EMATEKO BIDE APROPOSENA DA.

————————————————————————————

Bilera hau hobeto antolatzeko datu hauek beharko genituzke asteartea baino lehen:
Umezaintza behar dugu ___ urteko ___ umeentzako.

Partekatu

OLENTZEROREN ETXERA TXANGOA

2019-11-14 ZabalarraIGE No Comments ALBISTEAK, IGE

Guraso Elkarteak abenduaren 1an, Igandean, Olentzeroren etxera (Izenaduba, Mungia) irteera antolatu du.

Bisita gidatuak 09:45 eta 10:15ean izango dira eta gutxi gora behera, bi orduko iraupena izango dute. Autobusa 8:45ean irtengo da Kurutziaga Ikastola aurreko geldiunetik.
60 eserleku daude, eta hauek izena ematen den ordena jarraituz beteko dira.

Azaroaren 20an, asteazkenean, izena eman eta ordainduko da, IGE-ren gelan, 16:45etik 17:15era. 10€ pertsonako (sarrera+busa).
Bi urte baino gutxiagoko umeek ez dute sarrerarik ordaintzen, autobusa soilik (3€).

Beharrizan bereziak dituen norbaitek izena eman nahi badu, mesedez zabalarra@gmail.com helbidera email bat bidali eta beharrezkoak diren egokitzapenak egiten saiatuko gara.

Partekatu

EUSKARAREN EGUNEKO JAIALDIA

2019-11-14 ZabalarraIGE No Comments ALBISTEAK, ZERK ELKARTZEN GAITU?

Guraso Elkarteko Euskara Batzordeak, Abenduaren 3an (Euskararen nazioarteko egunerako) 16:30etik aurrera jaialditxo bat antolatu nahi du. Bertan, besteak beste, pare bat euskal dantza ta kantu erraz plazaratu nahi ditugu. Horretarako umeen partaidetza behar dugu.

Nori zuzenduta dago?: Eskolako ume guztiei
Noiz eta non entsaiatuko dugu?: Azaroaren 19, 21, 26 eta 28an arratsaldeko 17:00etan Haur Eskolako sarreraren aterpean. (Ez da derrigorrezkoa entsaio guztietara etortzea).
Jaialdian dantzatzeko umeek zer eraman behar dute? Kamiseta zuria, praka urdinak, ezpata bat (kartoizkoa, goma ebazkoa…) eta edozein koloretako gerriko eta txapela.

ETOR ZAITEZTE AZAROAREN 19an EUSKARAZ ONDO PASATZERA!!!!

Partekatu

“Bideak Gurutzatzuz: gure komunitatea osatzen duten migrazio arloko bizi istorioak” Bizenta Mogel Bibliotekan

2019-11-11 ZabalarraIGE No Comments AGENDA, AZAROA

Bizenta Mogel Bibliotekak eta Durangoko Udaleko Immigrazio Arloak, Kulturarteko Biblitoteka programaren baitan, hirugarren urtez “Bideak Gurutzatzuz: gure komunitatea osatzen duten migrazio arloko bizi istorioak” ekimena antolatuko du azaroan. Hainbat jatorritako pertsonen arteko elkarrizketa bultzatu gura da ekimen honen bidez, elkar ezagutzeko eta bizipen eta jakintzak trukatzeko espazioak sortuz.

Aurtengo edizioaren helburua emakume migratzaileei aitortza egitea da; emakume horiei ahotsa eman eta lehen planoan jartzea da asmoa, Durangon bizi diren sei emakumeren benetako lekukotza eta istorioen bidez. Emakume hauek, euren hausnarketa, bizipen eta ikuspegiekin, emigratzeko modu desberdinen isla dira. Profil anitzeko emakumeak dira, bakoitzak bere migrazio-proiektua izan du, bere motibazio eta itxaropenekin; eta harrera herrian aurkitu dituzten aukerak ere anitzak izan dira. Hala ere, zalantzarik barik, istorio hauek lagundu egiten dute ikusten haiek protagonizatutako migrazio prozesuak generoak baldintzatutakoak izan direla, eta indar handiko emakumeak direla, egoeretara egokitzeko eta erronkak gainditzeko gaitasun handia dutenak, eta aldaketa-eragile garrantzitsuak dira euren jatorrizko komunitateetan.

Partekatu

GABONETAKO LOTERIA 2019-2020

2019-10-28 ZabalarraIGE No Comments ALBISTEAK

Gabonetako loteriaren talonarioak prest daude!

Talonarioaren prezioa: 50,00€ (10 boleto. 4€ jokatzen dira eta 1€ dohaintzan)
Talonarioak hartzen diren egunean ordainduko dira


Hartzeko egunak:

  • Azaroak, 4,6,11 eta 13. IGEren gelan 16:45etik 17:45era.

Loteria erosi nahi baduzue, eta ezin baduzue ordutegi honen barruan etorri, kontaktuan jarri azaroaren 15a baino lehen jakaiala@hotmail.com eta i.bilbatua@hotmail.es helbide elektronikoaren bidez.

Oharra: Gogoratzen dizuegu ateratzen den dirua eskolako ekintzetan erabiltzeko dela (irteeretan, autobusak ordaintzeko, kanpoko ekintzetan, ea…)

Partekatu

FAMILIAN EUSKARAZ OLGETAN ZABALARRA ESKOLAN

2019-10-25 ZabalarraIGE No Comments ZERK ELKARTZEN GAITU?

Durangoko Merinaldearen Amankomunazgoko Euskara Zerbitzuak, Berbaro Elkartearen bitartez, Familian Euskaraz Olgetan programa berritua ipini du martxan.
Helburua da: familiako nagusiei baliabideak ematea umeekin batera euskaraz jolasteko, abesteko eta, azken finean, euskararen transmisioa olgetaren bidez lantzeko.
Zer egingo dugu: jolas saioak egingo ditugu 3-5 urte bitarteko umeei eta beraien familiei zuzenduta.
Zelan egingo dugu:
– Ume guztiek pertsona heldu batekin etorri beharko dute.
– Parte hartze doakoa izango da, baina plazak mugatuak direnez, komenigarria da aldez aurretik izena ematea.

ANIMATU ZAITEZTE PARTE HARTZERA!!

Partekatu