EGUEN ZURIKO KOPLAK ZABALARRA ESKOLAN

2019-02-26 ZabalarraIGE No Comments ALBISTEAK

Datorren ostegunean, otsailak 28, EGUEN ZURIKO koplak abestuko ditugunez egokia izango litzateke oraingoan ere umeak niki edo alkandora zuriarekin eta koadrodun zapiarekin jantzita etortzea

Hemen dituzue KOPLAK

 

Eguen Zuri

Durangaldea (Bizkaia)

1.Eguen Zuriko astea

Jangoikoak emona guztia,

eskola-mutilak ibilteko

limosna on baten bila.

2.

Eguen Zuriko eguna

Jangoikoak berak egina,

eskola-mutilak ibilteko

limosna on baten bila.

3.

Eguen Zuri honetan

hasi gara gu kantetan,

zuri-zuria maixuarentzat

beste enparauak geuretzat.

 4.Hor goian-goian goldea

haren gainean belea,

etxe honetako nagusi jauna

nekazari langilea.

5.

Sibiria ta Granada

urdaiazpia ona da,

urdaiazpia ona da baina

hiru lukainkaz hoba da.

6.

Emongo badozu emoizu

bestela ezetz esaizu,

ateondoko haizeok hartzean

amak ez gaitu bialdu.

 

Partekatu

TXITXIBURDUNTZI ZABALARRA ESKOLAN

2019-02-26 ZabalarraIGE No Comments ALBISTEAK

Datorren osteguna 28an 16:30ean Txintxiburduntzi eguna ospatuko dugu Zabalarra eskolan.

Ohiko txorizoa, halal saltxitxak (txerriki gabe), txokolatea, tartak eta pastelak ere egongo dira. Eta nobedade bezala merkatu txiki bat egongo da gauza interesgarriak erosteko.

Zabalarrako kamiseta berdeak salduko dira.

Zatozte!!! Ondo pasatuko dugu eta!!!!

Landako eskolako lagunak konbidatu ditugu ere!!

Partekatu

INTERNET, MUGIKORRAK ETA SARE SOZIALAK: EZINBESTEKOAK GURE SEME- ALABENTZAKO?

2019-02-16 ZabalarraIGE No Comments ALBISTEAK, GURASOEN FORMAKUNTZA

Teknologia berri eta komunikazio bide berrien hazkuntzak dudak sortzen ditu familia barnean:

– Zein da teknologien erabilera seguru, osansungarri eta arduratsua?

– Genero- ziberindarkeria edo eskola- ziberjasarpenaren kasua antzematerik badugu?

Basque Cybersecurity Centre- etik Leire Lasuenek, haur eta lehen hekuntza magjisteritzan diplomatua denak eta PantallasAmigas erakundearen sortzaileak, formakuntzarako eta sentsibilizaziorako tailer bat eskeiniko digu, zeinetan ziberjasarpen eta genero- ziberindarkeriak, gehiegizko erabilera, online bidezko erosketak eta kontsumoa, zorizko joko eta online bidezko apostuak bezalako gaiak jorratuko dituen eta erabilera seguru bati eta gurasoen bitartekaritzaren inguruan aholku batzuk emango dizkigu.

Tailerra datorren asteazkenean izango da, otsailaren 20an, 17:00etatik 19:00etara Eskolako liburutegian.

Umezaintza zerbitzua edukiko dugu

Anima zaitezte zalantzak argitzera

Hitzaldira joango naiz
_____________________________________________________________________
Eta umezaintza zerbitzua beharko dut_______________________ urteko umeentzako

Partekatu

6. MAILAKO IKASKETA BIDAIA

2019-02-14 ZabalarraIGE No Comments ALBISTEAK

Otsailak 28, arratsaldeko 16:30ean txitxiburduntzi eguna ospatuko da Zabalarra Eskolan.

Seigarren mailako ikasleek beraien azken bidaiako kostea murrizteko merkatu txiki bat antolatzea pentsatu dute.

Ekintza hau aurrera eramateko Zabalarrako guraso guztiei laguntza eskatu nahi digute etxeetan egoera onean daukaten edozein gauza eskatuz (jostailuak, liburuak, arropa…) beste umeren batek erabil dezan.

Lagundu nahi izatekotan seigarren mailako umeei ematea eskertuko genizueke eta horrela  egun horretan ume asko pozik ipintzea lortuko dugu.

Bilketa eguna eta ordua: Otsailak 19 eta 21 arratsaldeko 17:00etatik 18:00etara.

Bilketa lekua: Zabalarrako gimnasioaren atean.

Partekatu

ETXEKO LANEI BURUZKO HITZALDIA

2019-01-29 ZabalarraIGE No Comments ALBISTEAK

Ikasturtean zehar ikasleei bidaltzen zaizkien etxeko lanek eragina izaten dute familietan. Gai honen inguruan asko hitz egiten da, eta iritzi asko daude.

Joxe Amiama EHU-ko irakasle, eta etxeko lanei buruz hainbat ikerketa egindako aditua gai honen inguruan arituko da gure eskolan.

Noiz: Urtarrilaren 31an, osteguna

17:30ean

Non: Zabalarra eskolako liburutegian.

Hitzaldiak ordu eta erdi inguruko iraupena izango du, eta umezaintza zerbitzua egongo da.

Etorriko zaren konfirmazioa gustatuko litzaiguke.

 

IZENA:________________________________________________________________

 

Umezaintza zerbitzua behar dut.

 

IZENA:_____________________________________________

Adina:______________________________________________

Partekatu

INDOOR MULTIABENTURA PARKERA TXANGOA

2019-01-28 ZabalarraIGE No Comments IGE

Guraso Elkarteak otsailaren 10ean, igandean, Basauriko Indoor parkera irteera antolatu du. Parke honetan 5 urtetik goragokoek, heldu zein umeek, (gutxienez 1,10 metroko altuera dutenek) jarduera ezberdinekin gozatzeko aukera izango dute: tirolinak, zirkuituak, puzgarriak, eskalada…

Txikien ordutegia:10:30-12.30 (Prezioa: Ume bakoitzak 4 euro).
Ume handien (8 urtetik gorakoak) eta gurasoen ordutegia 10:30-14:00 (Prezioa: Pertsona bakoitzak 8 euro). Ikusleek ez dute ordaintzen.

Informazio gehiago, www.knsocioyaventura.com orrialdean daukazue edota izena emateko egunean eskeiniko zaizue.

Izena emateko eta ordaintzeko eguna: Urtarrilaren 31n, ostegunean, IGEren gelan, 16:45etik 17:15era

Bertan ez dago tabernarik, baina badago gela bat etxetik ekarritako janaria jateko aukera eskeintzen duena.

Ez da autobusik egongo. 9:41ean irtetzen den trenean edo kotxe propioetan joango gara.

Beharrizan bereziak dituen norbaitek izena eman nahi badu, mesedez IGEko emailera mezu bat bidali eta beharrezkoak diren egokitzapenak egiten saiatuko gara.

GOAZEN DENOK ABENTUREZ GOZATZERA!!!

Partekatu